一大早下雨…不過，香港下雨未必等於台灣下雨嘛，希望在明天。七點多，在機場吃過早餐，一行四人浩浩蕩蕩咁上機~ 一上機，當然係大覺訓啦！咁早起身喎！好快就去到高雄機場lu~
十一點左右落機，然後去做落地簽證。我地都預左會多人，點知個counter只係得兩個，填完form排隊做證，但政府做o野…都係慢架啦…做完個證，機場已經冇人！
出境後立即去唱錢，一出去就見到銀行，好方便。
落機時，高雄個天氣唔錯，有陽光。令我地開心左好多。我地o係機場租左架車去墾丁，車程都要成三小時架！問個司機經唔經東港漁港，但係條路沿來唔多順。而且司機話個漁港係開兩點，我地去到墾丁都未開門。因此，我地決定去左墾丁先。司機大佬話佢有朋友o係墾丁，可以車我地去搵食…咁，我地都冇乜所謂o既，反正都係要搵車。在車上訓下醒下咁，終於去到墾丁。
到達墾丁…too bad！落雨！>.< check in 時問個店員，佢話其實墾丁好少下雨，我地都算「好彩」… = = 上房，哇~不得了！間房比想像中要好。對正個海，而且間房好大，空間感好足夠。簡單而有少少古典的擺設，盡顯民宿主人的心思！(我地book左一間四人房~)
室外浴池(呢個其實係day2的相片)
望山o個邊 (day2的相片)
(day2的相片)
稍事休息，司機大佬的朋友來了。我們問他附近有乜好食，佢話如果我地想食海鮮的話，後壁湖比東港漁港更抵食。好~出發！
後壁湖都係一個漁港，所以海鮮都好新鮮。
司機大佬帶左我地去一間佢相熟的店子，更推介我地食生魚片！當然啦，我地有做功課，呢個係必食的！司機大佬叫我地食完出去叫佢，再睇下我地去邊。我地點了幾個菜，都幾好味呀！最正係個生魚片，d 吞拿魚比香港的新鮮好多，拍得住o係日本食的。好好味~
糖醋飛魚。正值飛魚季節，呢個煮得幾好味。
沙律蝦球~
正！你估下呢碟幾多錢？港幣五十元而已！
食完飯，個天氣似乎好返少少。因為返酒店都唔知做乜，所以我地都決定租半日車，去下附近的景點。第一站係出水口。呢個係d山水出海水的地方，有個長堤壩咁。
第二個景點，貓鼻頭公園~
自由人入侵貓鼻頭公園！
遇見wall-e
XDDDD~
樑上有雙燕~
好，第三個景點！白砂海灘。呢個海灘好出名架，係阿嘉抱抱友子的地方！(sorry，我冇睇過海角七號…) 天氣好轉，仲出太陽ar，好開心！個灘好靚，好有東南亞feel~
我被人指嚇！>.<
不經不覺四點幾，而附近的景點都行完了，我地決定去關山睇日落。
一望無際
飛龍在天！
龜石？
飛來石。(呢個真搵笨…)
其實司機都話我地知，今日咁o既天氣係睇唔到個太陽入海…不過，冇法啦，都冇其他地方去了。其實呢個日落都唔錯。
拍我？
關山公園都幾靚。
去完關山，我地去左恆春。恆春本來唔出名，不過自從<海角七號>之後，呢度就多左好多遊人lu。不過，對於我呢d冇睇過戲o既人來說…只係一個小市鎮。司機帶左我地去睇阿嘉的家。
睇左一陣，天漸漸入黑。司機帶我地去「出火」~ gogogo！我對呢個地方都好期待，因為可以玩煙花。香港冇得玩~去到，有幾個小檔賣煙花。我們去了其中一檔觀看，其實我地只係想玩下仙女棒o個d架o者。正當想俾錢時，再睇下個packing，居然俾我地發現，其中一項寫住：建議售價為75元。你估下店主話俾我地知幾錢？佢話o個個賣140元！差不多一倍耶！好在我地發現得早，同佢講返，佢先話收我地75元。
到我地落到去出火的地方，司機先話：其實我想叫你地去呢檔買架… 我諗係佢d朋友。=p
有人用火燒pop-corn
有人放大煙花！
講開呢個煙花，發生左一件危險的事。那個人在上風處放，其實o個個地方好大風，大風到人都吹得郁咁濟。那個人放放下煙花，個台被吹倒！結果d煙花向我地個方向吹來！煙花在地上爆發時彈起的砂土，差點擊中我朋友隻眼！真係好危險呀！如果你地去o個個地方玩煙花，記得o係下風處放。就算個台趺左都傷唔到人ma！
玩寫字~
好，玩完煙花，係時候食飯。司機o係墾丁大街放低我地，跟住就同佢 bye bye~ 真係多謝佢介紹左咁多景點俾我地。來到墾丁大街，當然係掃街啦~其實呢條街唔係好長，食物o既種類都唔算多。行左半條街，都未搵到d特別想食o既o野…我地試左呢幾樣：
Fries cup 薯條杯杯，幾好味~
鮮奶好味~
墾丁大街都有d得意o野睇下：
呢間店有個DJ o係二樓打碟的！
巨型性感女郎
多啦a夢
至型牛仔 (賣皮帶的~XDDD)
我本來對呢個都好有興趣…但，唔知佢挨唔挨到返香港o者。
食飽行完街，打的返酒店。本來想坐bus，但最後發現坐的士仲抵。(因為我地有四個人) 返到去，再拍一兩張相片~沖涼休息去也！=)
p.s. 墾丁大街真係好大風！
沒有留言:
發佈留言